ரசிகர்களின் மிகுந்த எதிர்பார்ப்பிற்கிடையே ரஜினிகாந்த் நடித்த கபாலி படம் ஜூலை 22 அன்று ரிலீசானது. பா.ரஞ்சித் இயக்கி இப்படத்தில் ராதிகா அப்தே, தன்ஷிகா உள்ளிட்டோர் நடித்துள்ளனர். கலைப்புலி எஸ்.தாணு இப்படத்தை தயாரித்துள்ளார்.
உலகம் முழுவதும் 8000 இடங்களில் திரையிடப்பட்ட இப்படம் முதல் நாளில், இந்தியாவில் மட்டும் ரூ.250 கோடியை வசூலித்து புதிய சாதனை படைத்துள்ளது என தயாரிப்பாளர் தாணு தெரிவித்துள்ளார். எந்த ஒரு இந்திய நடிகரின் படமும் இதற்கு முன் இத்தகைய தொகையை வசூலித்ததில்லை எனவும், இது ரஜினிகாந்த் நடித்த படம் என்பதால் மட்டுமே இத்தனை வரவேற்பு பெற்றுள்ளது எனவும் அவர் தெரிவித்துள்ளார்.
இதில் தமிழகத்தில் மட்டும் ரூ.100 கோடியும், இந்தியாவின் பிற பகுதிகளில் ரூ.150 கோடியும் வசூலித்துள்ளது. அமெரிக்கா, மலேசியா, வளைகுடா நாடுகள், இங்கிலாந்து, ஆஸ்திரேலியா, நியூசிலாந்து, இலங்கை, ஸ்விட்சர்லாந்து, டென்மார்க், ஹாலாண்ட், ஸ்வீடன், தென்னாப்பிரிக்கா, நைஜீரியா உள்ளிட்ட நாடுகளிலும் ரிலீஸ் செய்யப்பட்ட கபாலி படம் சராசரியாக ரூ.100 கோடி வசூலித்துள்ளது.
